Шара барысында:

• Мемлекеттік Ту, Елтаңба және Әнұран туралы ақпарат берілді;

• Рәміздер тарихы мен авторлары туралы бейнематериал көрсетілді;

• «Менің Туым – менің мақтанышым» тақырыбында зияткерлік сайыс ұйымдастырылды;

• Оқушылар патриоттық әндер шырқап, сурет көрмесіне қатысты, спорттық жарыстарға қатысты.

Мектеп алаңында мемлекеттік Ту көтеріліп, Әнұран орындалды. Бұл сәт оқушыларға рух беріп, патриоттық сезімді оятты.

Нәтиже:
Іс-шара балаларға рәміздердің тек белгі емес, ел бірлігінің, тәуелсіздіктің және ұлттық рухтың символы екенін терең ұғынуға мүмкіндік берді.

2025 жылғы 1 маусым күні «ALAN» International School базасында Балаларды қорғау күніне орай мерекелік іс-шара ұйымдастырылды. Мақсаты — балалардың құқықтарын қорғау, олардың қауіпсіздігі мен амандығына назар аударту, сондай-ақ мейірімділік пен қуаныш сыйлау.

Іс-шара аясында оқушылар үшін түрлі ойындар, шығармашылық шеберлік сағаттары, спорттық жарыстар мен көңілді концерттік бағдарлама өткізілді. Балалар өз таланттарын көрсетіп, бір-бірімен достасып, көтеріңкі көңіл күйде уақыт өткізді.

Шара барысында мектеп әкімшілігі мен педагогикалық ұжым оқушылардың тұлғалық дамуы мен қорғалуына ерекше мән беретінін атап өтті.

• Амирова Енлик
• Хафиз Рахман
• Жомартулы Зангар
• Уразбаев Арнур
• Григорьева Елизавета
• Калсаева Аружан

Көпшілікпен бірге мектеп гимні шырқалды. LED экранда гимннің видеосы көрініс тапты.

Мерекелік сөз сөйлеп, шараны ашқан мектеп директоры – Жанат Арысбековна болды. Осы уақытта LED экранда мектеп өмірінен көріністер ұсынылды. 5 «С» және 5 «Д» сынып оқушылары «Мектебім» хоры ретінде өнер көрсетті. Қонақтар мен ата-аналар да сөз алып, түлектерге жылы лебіздерін жеткізді. Бұл сәтте LED экранда мерекелік фон үйлесімді түрде жарық берді. Мерекелік бағдарламада бастауыш сынып оқушыларының агитбригадасы ерекше орын алды. 1-сынып оқушылары «Алан-ай!» әнімен ортаға шығып, 4-сынып оқушылары «Болашағы біз елдің» хоры арқылы көпшіліктің көңілін жаулап алды. 9-10 сыныптардың агитбригадасы ерекше ықыласпен түлектерге арнап құттықтау сөздері мен «Мы желаем счастья вам!» әнін орындады. Бұл бөлімде 9-10 сынып оқушылары — Булатов Зуфар, Сагиндыков Тимур, Маханова Ляйсан, Қайырғали Алижан және Нурманова Перизат ерекше белсенділік көрсетті. Жауапты мұғалімі – Алтынай Илканбековна. Сонымен қатар, Робинсон Айлина мен Қасымбекова Нурайдың да орындау шеберлігі көпшілікке ұнады. Мерекенің сәнін кіргізген тағы бір көрініс – халықаралық достық биі болды. Арнайы шақырылған бишілер мен мектеп оқушыларының бірлескен би топтары сахна төрінен көрінді. LED экранда мектептің достық іс-шараларынан видеолар ұсынылды. 11-сынып оқушылары өздерінің жылы тілектерімен сөз сөйлеп, әрқайсысының суреті мен жетістіктері LED экранда көрініс тапты. Сондай-ақ, олар «уақыт капсуласына» өз хаттарын салып, мектепке табыстады. Хаттарды Амирова Енлик, Хафиз Рахман, Жомартулы Зангар, Уразбаев Арнур, Григорьева Елизавета және Калсаева Аружан салтанатты түрде тапсырды. Мерекенің соңында мектеппен қоштасу вальсі шырқалып, балалық шақ пен мектеп жылдарының тәтті естелігіне толы әндер айтылды. LED экранда мерекелік фон үйлесімді түрде жалғасын тапты. Желбіреген шарлар мен көгершіндер аспанға ұшырылып, бұл сәт ерекше әсер қалдырды. 11-сынып оқушыларының «Соңғы қоңырау» соғу сәті мерекенің символы ретінде көпшілікті тебірентті. Барлық 1-сынып пен 11-сынып оқушылары бірлесе отырып «Ұстазым» әнін шырқады, бұл әннің бейнесі мектеп өмірінен дайындалған видеороликпен безендірілді. Мерекені қорытындылап, жүргізушілер Сабденов Альтаир, Абдыкадырова Балауса және Махмуд Айкөркем қатысушыларға алғыстарын білдіріп, шараны мәртебелі түрде аяқтады.

1. https://www.instagram.com/reel/DKCvrRIIHc4/?utm_source=ig_web_copy_link&igsh=MWNkNmwwMTBzYXNraQ==
2. https://www.instagram.com/reel/DKPM-RoIrM0/?utm_source=ig_web_copy_link&igsh=MXV5djB5a3RhMndtaA==

Осы атаулы күнге орай «Alan International School» мектебінің 7-сынып оқушылары сынып жетекшілерімен бірге Оңтүстік Қазақстан облыстық тарихи-өлкетану мұражайына қызықты әрі танымдық экскурсияға барды.

Мақсаты – оқушыларға туған өлкенің тарихын, мәдениетін және салт-дәстүрін таныстыру, өз елінің тарихына деген қызығушылығын арттыру және тарихи жәдігерлерді құрметтеуге баулу.

Экскурсия барысында оқушылар мұражайдағы құнды жәдігерлермен танысып, өлкеміздің тарихы мен мәдениеті туралы қызықты мәліметтер алды. Оларды ежелгі дәуірден бастап қазіргі күнге дейінгі тұрмыстық заттар, археологиялық қазбалар, батырлардың қару-жарақтары, ұлттық киімдер мен қолөнер бұйымдары қатты қызықтырды. Мұражай қызметкерлері оқушыларға қазақ халқының тарихына қатысты қызықты деректер айтып беріп, сұрақтарына жауап берді.

Бұл экскурсия оқушылардың туған жерге деген сүйіспеншілігін арттырып, тарихи жәдігерлердің құндылығын ұғынуына мүмкіндік берді. Сонымен қатар, олар тарихты құрметтеп, өз елінің өткенін бағалай білу керектігін түсінді.

«Alan International School» ұжымы оқушылардың рухани-адамгершілік дамуына, ұлттық мәдениетімізді дәріптеуге және өлке тарихына деген қызығушылығын арттыруға ерекше мән беріп келеді. Осындай іс-шаралар жас ұрпақтың бойына патриоттық рухты, тарихқа деген құрметті және танымдық қабілетті қалыптастырады.

15 мамыр – бүкіл әлемде Отбасы күні ретінде аталып өтеді. Бұл мереке отбасының қоғамдағы рөлін, ата-ана мен бала арасындағы сүйіспеншілік пен сыйластықты дәріптейді. Осы атаулы күнге орай «Alan International School» мектебінің оқушылары мен ұстаздары тәрбиелік мәні зор іс-шара ұйымдастырды.

Мақсаты – оқушылардың бойында отбасы құндылықтарын дәріптеу, ата-анаға деген құрмет пен сүйіспеншілікті арттыру, бір-бірін қолдаудың маңызды екенін түсіндіру.

Іс-шара аясында оқушылар өздерінің ата-аналарына қоңырау шалып, «Мен сіздерді жақсы көремін!» деген жүрекжарды тілектерін айтты. Бұл қоңыраулар ата-аналардың көңілін көтеріп, оқушылардың отбасы мүшелеріне деген махаббатын айқын көрсетті. Оқушылар өз сөздерінде отбасының әрқашан қолдау мен мейірімнің мекені екенін атап өтті.

Сынып жетекшілері мен мұғалімдер оқушыларға отбасының берік болуы – әр адамның өміріндегі ең үлкен бақыт екенін түсіндіріп, өз отбасы мүшелерін қадірлеудің, сыйлаудың, қамқор болудың маңызын айтты. Сонымен қатар, оқушылар отбасы туралы өлеңдер оқып, шағын сахналық қойылымдар көрсетіп, отбасындағы татулық пен мейірімнің құндылығын тағы бір мәрте дәлелдеді.

«Alan International School» ұжымы оқушыларды отбасы құндылықтарын ардақтауға, ата-анаға құрметпен қарауға және отбасының әр мүшесімен өзара сыйластықты сақтауға тәрбиелеуге ерекше мән береді.

Отбасы – әр баланың жүрегіндегі жылылық пен мейірімнің, махаббат пен сенімнің ордасы екенін ұғынған оқушылар ата-аналарына өз алғыстарын айтып, мерекені қуанышпен атап өтті.

Паркке барған оқушылар майдандағы ерлік оқиғалармен танысып, бейбіт өмір үшін жанын қиған батырлардың есімдерін еске алды. Олардың жүректерінде елге, жерге деген мақтаныш сезімі оянып, Жеңістің қаншалықты қиын жолмен келгенін терең түсінді.

Ұлы Отан соғысының тарихы – бұл тек өткен шақтағы оқиға емес, бұл – біздің рухани байлығымыз, патриоттық тәрбиеміздің іргетасы. Батыр бабаларымыздың жанқиярлық ерлігі мен табандылығы – бүгінгі жас ұрпақ үшін үлгі.

Мұндай шаралар оқушылардың азаматтық жауапкершілігін арттырып, отансүйгіштікке тәрбиелейді. Олар бейбітшіліктің қадірін түсініп, тарихты білу арқылы болашаққа сеніммен қарауды үйренеді.

Жеңіс күні – бұл әрбір қазақ баласы үшін ұрпақтар сабақтастығының, ерлік пен бірліктің, қайсарлық пен үміттің мейрамы. Болашақ иелері саналатын жастар бұл тарихты ұмытпауға, өз елін сүйіп, қорғауға міндетті.

«Alan International School» ұжымы осындай тәрбиелік мәні зор іс-шараларды тұрақты түрде ұйымдастыра отырып, оқушылардың рухани-адамгершілік дамуына, елжандылық қасиеттерін қалыптастыруға ерекше мән береді.

7 мамыр – Отан қорғаушылар күні елімізде ерекше құрметпен аталып өтетін мереке. Бұл – елін қорғап, бейбітшілікті, тыныштықты сақтау жолында аянбай еңбек етіп жүрген барша азаматтардың мерекесі. Осы мерекеге орай «Alan International School» мектебінің оқушылары мен ұстаздары мектептің ер мұғалімдерін құттықтап, оларға зор алғыс білдірді.

Мақсаты – мектеп оқушыларының бойында Отанға деген сүйіспеншілікті, патриоттық рухты және үлкенге деген құрмет сезімін қалыптастыру. Сондай-ақ, ер мұғалімдердің еңбегін бағалап, олардың мектеп өміріндегі рөлін ерекше атап өту, оқушылардың ұстаздарға деген алғысын білдіру.

Іс-шара барысында оқушылар ұстаздарға арнап өлең шумақтарын оқып, жүрекжарды тілектерін жеткізді. Олар өз құттықтау сөздерінде ер мұғалімдердің мектеп өміріндегі рөлі ерекше екенін, тек білім беріп қана қоймай, нағыз Отан қорғаушыдай өз шәкірттерін тәрбиелеп, олардың бойына батылдық, жауапкершілік, адалдық пен елжандылық қасиеттерін сіңіріп жүргенін атап өтті.

Мектеп алаңында ұйымдастырылған мерекелік жиында оқушылар өздері дайындаған ашықхаттарын тапсырып, гүл шоқтарын ұсынып, алғыс сөздерін жеткізді. Әсіресе, оқушылар «Сіздер біздің мақтанышымызсыздар! Елімізді қорғаушылар қатарында сіздер де тұрсыздар!» деген ізгі лебіздерін білдіріп, өз жүрекжарды ниеттерін ортаға салды.

Бұл мереке – ер азаматтардың Отанға деген сүйіспеншілігін, патриоттық рухын құрметтеу күні. Ер мұғалімдеріміз мектеп өмірінде оқушыларға қорған болып, ақыл-кеңестерін аямай, әрдайым қолдау көрсетіп келеді. Олар – мектептің тірегі, ұжымның арқа сүйері, шәкірттердің рухани жетекшілері.

Осындай іс-шаралар оқушылардың ер азаматтарға деген сый-құрметін арттырып, оларды да елін, жерін қорғауға, отансүйгіштікке тәрбиелейді. Бұл күні ұстаздарға жылы лебіздер айтылып, бейбітшілік пен татулықтың қадірі түсіндірілді. Оқушылар ұстаздардың батылдығын, табандылығын, жауапкершілігін жоғары бағалап, оларды мақтан тұтатындарын білдірді.

«Alan International School» ұжымы ер ұстаздарға зор денсаулық, ұзақ ғұмыр, отбасына амандық, еңбектеріне жеміс пен шабыт тілей отырып, жас ұрпаққа әрдайым үлгі бола берулеріне сенім білдіреді. Осындай мерекелік шаралар арқылы мектеп оқушылары ұстаздарымен мақтанатынын және өздерінің де болашақта ел қорғаушысы болуға дайын екендерін көрсетті.

7 мамыр – Отан қорғаушылар күні барша азаматтарды құрметтейтін, бейбітшіліктің бағасын ұғындыратын және ел үшін аянбай еңбек етудің маңыздылығын ұғындыратын ұлық мереке.

Сіздерді шын жүректен 1 мамыр – Қазақстан халықтарының бірлігі күнімен құттықтаймыз! Бұл күн – береке мен ынтымақтың, достық пен өзара сыйластықтың, ел бірлігінің жарқын нышаны. Бірлік пен келісім – кез келген қоғамның тұрақтылығы мен өркендеуінің кепілі.

Бүгінде Қазақстан – 130-дан астам ұлт пен ұлыс өкілдері бейбіт өмір сүріп жатқан, бірлігі жарасқан мемлекет. Халықтар достығы мен татулығы – еліміздің басты байлығы, даму мен жаңғыру жолындағы мызғымас негіз.

Осы құндылықтар «Alan International School» мектебінің де негізгі ұстанымына айналған. Мектебімізде 20-ға жуық ұлт өкілдері бір шаңырақ астында тату-тәтті білім алып, бір мақсатқа жұмыла еңбек етіп келеді. Бұл – біздің ортақ жетістігіміз, бейбіт өмірдің берекелі көрінісі.

Білім мен тәрбиенің өзегінде – достық, өзара түсіністік, ұлт пен тілге деген құрмет жатыр. Біз әрдайым оқушыларымыздың бойына мейірімділік, төзімділік, бір-біріне деген сыйластық сезімдерін сіңіруге тырысамыз. Олар тек білім алып қана қоймай, саналы азамат, түрлі мәдениеттер мен дәстүрлерді сыйлай білетін, ашық әрі кемел тұлға ретінде қалыптасуы тиіс. Бұл – ұжым болып жүзеге асыратын ортақ міндетіміз.

1 мамыр – бұл мейрам тек тарихпен байланысты емес, ол бүгінгі күннің де шындығы. Біз – әртүрлі тілде сөйлесек те, ортақ мақсат пен арман жолында біргеміз. Балаларымыз да дәл осы рухта тәрбиеленіп, келешекте еліміздің игілігі жолында қызмет ететін, бірлік пен бейбітшіліктің жаршысы боларына сенімдіміз.

Баршаңызға зор денсаулық, отбасыңызға амандық, еңбектеріңізге табыс тілейміз!
Елімізде әрдайым бейбітшілік пен келісім салтанат құрсын!
БІРЛІГІ ЖАРАСҚАН ЕЛ – БАҚЫТҚА ЖОЛ АШАДЫ!

Апталықтың ерекшеліктері:

1. Ғылыми жобалар көрмесі:
    Оқушылар өздері дайындаған ғылыми жобаларын көпшілік назарына ұсынып, түрлі тәжірибелер мен зерттеу жұмыстарының нәтижелерін көрсетті. Әсіресе экология, биология және физика салаларындағы жобалар қызығушылық тудырды.
2. Тәжірибелік сабақтар мен шеберлік сыныптар:
    Мұғалімдер мен арнайы шақырылған ғалымдар жаратылыстану пәндері бойынша ашық сабақтар мен шеберлік сыныптарын өткізді. Оқушылар зертханалық тәжірибелерге қатысып, өз қолдарымен түрлі ғылыми тәжірибелер жасап көрді.
3. Интеллектуалды ойындар мен викториналар:
    Пәндік сайыстар мен интеллектуалды ойындар арқылы оқушылар білімдерін сынға салды. Әр сынып бойынша үздік командалар марапатталды.
4. Қонақ лекциялар:
    Апта барысында жоғары оқу орындарының оқытушылары мен ғылыми қызметкерлер арнайы шақырылып, ғылым мен техникадағы жаңа жетістіктер туралы лекциялар өткізді.
5. Қорытынды және марапаттау:
    Апталық соңында белсенді оқушылар мен үздік жобалар иелері мақтау қағаздары және естелік сыйлықтармен марапатталды.

Жалпы алғанда, жаратылыстану апталығы оқушыларға жаңа білім алуға, ғылымға қызығушылығын дамытуға және шығармашылық әлеуетін ашуға үлкен мүмкіндік берді.

Аталған мерекеге орай мектебімізде Шымкент қаласындағы М.Әуезов атындағы Оңтүстік Қазақстан университетінің доценті, PhD доктор, белгілі ғалым – Срайылұлы Жұматаев Нұрлыбек мырзамен шабытқа толы кездесу ұйымдастырылды. Ғалымның келуі оқушыларымыз үшін үлкен мәртебе ғана емес, ғылымға бастар нақты бір баспалдақ іспеттес болды.

Кездесу барысында Нұрлыбек Жұматаев ғарыш саласындағы жаңалықтар, ғылыми ізденістер, жеке тәжірибесі және табысқа жету жолындағы еңбек пен табандылық жайлы шынайы әрі әсерлі әңгіме өрбітті. Ол оқушыларды армандаудан қорықпауға, биік мақсаттар қоюға және сол жолда тынымсыз еңбектенуге шақырды. Бұл – оқушылар үшін тек тың ақпарат емес, болашаққа деген сенім мен ынта-жігер сыйлаған ерекше кездесу болды.

Кездесумен қатар оқушылар үшін танымдық бағыттағы түрлі іс-шаралар, викториналар, шығармашылық тапсырмалар мен постер қорғау сайыстары өткізілді. Балалар ғарышкерлер мен ғарыштық техника туралы қызықты мәліметтермен танысып, өз ойларымен бөлісті.

🔹 Бұл күннің оқушылар үшін маңыздылығы неде?
• Ғарыш және ғылым саласына деген қызығушылық арта түсті
• Оқушылар шынайы өмірлік тәжірибемен танысты
• Армандауға, биік мақсаттар қоюға шабыт алды
• Ғылым жолында жүрген білікті маманмен тікелей диалог орнатты

Осындай тәрбиелік маңызы зор іс-шаралар жас ұрпақтың ой-өрісін кеңейтіп, ғылымға, білімге, жаңалық ашуға деген ұмтылысын арттырады. Ғарыш – тек шексіз кеңістік қана емес, ол – мүмкіндіктер әлемі. Ал бұл кездесуден алған әсер – талай шәкірттің жүрегінде жаңа армандардың отын жақты.