25 ҚАЗАН – РЕСПУБЛИКА КҮНІ

25.10.2024 ж күні мектебімізде Республика күніне арналған мерекелік дөңгелек үстел  мектеп кітапханашы меңгерушісімен бірге ұйымдастырылды. Бұл іс-шараға 5-сынып оқушылары белсене қатысты. Шараның мақсаты – оқушыларға ел Тәуелсіздігінің маңызын түсіндіру, патриоттық сезімін ояту және туған жерге деген сүйіспеншілікті арттыру болды. Іс-шара барысында оқушылар Қазақстан Республикасының тарихы туралы мәліметтер айтып, ән айтып, тақпақтар оқыды. Кейбір оқушылар өз қолдарымен сурет салып, шығармашылық жұмыстарын ұсынды. Дөңгелек үстел өте әсерлі өтті, оқушылар көтеріңкі көңіл-күйде тарқасты. Бұл мереке – жас ұрпақтың бойына отансүйгіштік пен ұлттық мақтаныш сезімін дарытатын маңызды күн. Осындай іс-шаралар арқылы балалар еліміздің өткенін бағалап, болашағына сеніммен қарайды.