ЕҢБЕК КҮНІ

Еңбек күніне арналған тәрбиелік іс-шаралар 

2024 жылғы қыркүйек айының соңғы аптасында «ALAN» International School ұжымы Еңбек күніне арналған тәрбиелік іс-шаралар апталығын өткізді. Мақсаты – оқушыларды еңбексүйгіштікке тәрбиелеу, түрлі мамандық иелеріне құрмет көрсетіп, адал еңбек пен жауапкершіліктің маңызын ұғындыру.

Іс-шаралар оқушылардың еңбекке деген көзқарасын қалыптастыруға, ата-аналар мен мұғалімдердің арасында ынтымақтастық орнатуға септігін тигізді.30 қыркүйек – Еңбек күніне орай "Alan International School" ұжымы еңбек адамдарын ұлықтаған тағылымды іс-шара өткізді.
 Іс-шара мақсаты:
– Еңбекке құрмет пен сүйіспеншілікке тәрбиелеу,
– Қоғамның дамуына үлес қосып жүрген еңбек майталмандарын үлгі ету,
– Оқушылардың болашақ мамандыққа қызығушылығын ояту.
 Шара шеңберінде:
– «Еңбегімен елге танылған тұлғалар» атты презентация және викторина өткізілді;
– Мектептің техникалық қызметкерлері, аспаздар, жүргізушілер мен тазалықшылар шақырылып, арнайы алғыс хаттар мен гүл шоқтары табысталды;
– Оқушылар арасында «Мен еңбекқор боламын!» атты эссе және сурет байқауы ұйымдастырылды;
– Мамандықтар әлеміне арналған «Таныстырылым күні» өткізіліп, әр мамандық иесінің еңбек жолы таныстырылды.
 Оқушылар мен ұстаздар еңбекке деген алғыс пен сыйластықты өз ойларымен жеткізе отырып, еңбек адамы – қоғам тірегі екенін терең ұғынды.