«Ертегілер еліне саяхат»- ертегілер әлеміне ену.
Alan International School мектебінде 28.10.2024- 3.11.2024ж аралығында өткен Балалар кітапханасы жобасы аясындағы «Ертегілер еліне саяхат» шарасы мектеп кітапханашысы және сынып жетекшілердің ұйымдастыруымен ерекше әсерлі өтті. Балалар өздерінің сүйікті ертегілерін ата-аналарымен бірге оқып, қызықты әлемге еніп кетті. Кітап оқу барысында олар кейіпкерлермен бірге түрлі оқиғаларды бастан кешіріп, қиял әлеміне саяхат жасады. Ал ата-аналар балалармен бірге рөлдерге кіріп, отбасылық оқуға деген қызығушылықты арттырды. Балалар әр ертегіден кейін өз ойларымен бөлісіп, қандай құндылық алғандарын айтып отырды. Шараға 1-4 сынып оқушылары мен ата-аналар қатысты. Шара соңында барлық қатысушыларға арнайы алғыс хаттар мен сыйлықтар табысталды. Бұл жоба балалардың кітапқа деген сүйіспеншілігін арттырып, ата-аналармен байланысты нығайтуға бағытталған маңызды қадам болды.
