АЛТЫН КҮЗ

   Алтын күз – жылдың ең көркем әрі ерекше мезгілі. Бұл кезеңде табиғат алтынға бөленіп, ауада салқын самал тұнып, ерекше рух береді. Күз – жинақылық пен еңбек маусымы, жаңару мен шабыттың уақыты.

«Alan International School» мектебінде осы тамаша мезгілді мерекелеу мақсатында әртүрлі шаралар ұйымдастырылды. 1-4 сынып оқушылары арасында күзгі көрме өткізілді. Балалар табиғат сыйлаған түрлі бұтақтар, жапырақтар мен жемістерді жинап, олардан әдемі бұйымдар жасап, шығармашылық қабілеттерін көрсетті. Көрмеге қойылған жұмыстар күздің керемет бояуларын және оның табиғаттағы өзгерістерін тамаша бейнеледі. Ал 5-11 сыныптар арасында дәстүрлі «Күзгі бал» ұйымдастырылды. Бұл шара оқушыларға күздің сұлулығын атап өтіп, бір-бірімен достық қарым-қатынасты нығайтуға мүмкіндік берді. Бал барысында мерекелік концерт, би, көркем өнер байқаулары өтті. Осындай іс-шаралар оқушылардың шығармашылық қабілеттерін дамытуға, табиғатты сүйіп, оған құрметпен қарауға тәрбиелейді. Сонымен қатар, бұл кезеңде балалар бір-бірімен араласып, мектептің бірлік пен достық атмосферасын сезінеді. Алтын күз – жаңа шабыт пен шығармашылықтың бастауы ғана емес, сонымен бірге еңбек пен табандылықтың уақыты. Табиғаттың әрбір түсі, әрбір жапырағы өзінен бір сыр сақтайды. Оны түсініп, бағалай білу – үлкен даналық. Мектебіміздің ұжымы мен оқушылары күздің керемет сәттерін бірге бөлісіп, осындай ерекше мезгілді құрметтеу арқылы рухани байып, болашаққа сеніммен қарайды.