ҰЛТТЫҚ ВАЛЮТА - ТЕҢГЕ КҮНІ

     2024 жылғы 15 қараша күні «ALAN» International School» мектебінде Ұлттық валюта – Теңге күніне арналған тәрбиелік іс-шара өтті. Бұл мереке Қазақстан Республикасының қаржы жүйесі мен экономикалық тәуелсіздігінің символына айналған теңгеге құрмет көрсету мақсатында аталып өтті.   Іс-шара барысында:

• «Теңге – Тәуелсіздіктің нышаны» тақырыбында сынып сағаттары өткізілді;

• Орта және жоғары буын оқушыларына ақша тарихы, банк жүйесі, қаржылық сауаттылық тақырыбында интерактивті презентациялар ұсынылды;

• 5–9 сыныптар арасында «Қаржы әлеміне саяхат» атты танымдық ойын мен викторина ұйымдастырылды;

Іс-шара мақсаты – оқушыларға ұлттық валюта тарихын таныстыру, қаржы мәдениетін қалыптастыру және экономикалық сауаттылықты арттыру болды. Оқушылар теңгенің еліміз үшін маңызын терең түсінді, қаржыға ұқыпты қарау мен жоспарлау дағдыларын меңгеруге қызығушылық танытты. Іс-шара мектеп ішіндегі тәрбие жұмысының мазмұнын байытып, патриоттық сана мен азаматтық жауапкершілік сезімін нығайтуға ықпал етті.