"МАМАНДЫҚТАР МАРАФОНЫ"

Алан Халықаралық мектебінде оқушылардың болашақ мамандықтар туралы түсінігін кеңейтіп, кәсіби бағыт-бағдар беру мақсатында «Мамандықтар марафоны» атты танымдық-тәрбиелік іс-шара өткізілді.

Марафон аясында «Alan International School» мен «Talpyn Foundation School» арасында меморандумға қол қойылды. Бұл маңызды келісім оқушылардың дұрыс мамандық таңдау, кәсіби бағдарын жетілдіру, білім беру сапасын арттыру және қос мектеп арасында тәжірибе алмасу мүмкіндіктерін кеңейту мақсатында жасалды.

Шара барысында оқушылар түрлі мамандықтармен танысып, олардың маңызы мен ерекшеліктері жайлы тың ақпарат алды. Әр түрлі сала мамандары – дәрігерлер, ІТ мамандары, мұғалімдер, кәсіпкерлер және құқық қорғау қызметкерлері мектепке арнайы шақырылып, оқушылармен ашық әңгіме жүргізді. Қонақтар өз мамандықтарының қыр-сырымен бөлісіп, оқушылардың сұрақтарына жауап берді.

Апталық аясында:

• Сынып сағаттары мен кездесулер ұйымдастырылды
• "Менің болашақ мамандығым" тақырыбында эссе, сурет және шығармашылық жұмыстар қабылданды
• Жоғары сынып оқушылары топтық жобалар қорғап, түрлі салалар бойынша презентациялар жасады

Іс-шараға барлық сыныптар белсенді қатысып, өз қызығушылықтарын танытты. Бұл бастама оқушыларға тек ақпарат беріп қана қоймай, өз қабілеттері мен қызығушылықтарын саралап, болашаққа сенімді қадам жасауға септігін тигізді.

«Мамандықтар марафоны» оқушылардың кәсіби бағдарын қалыптастыруда тиімді құрал болды. Мұндай іс-шаралар жастардың болашақ мамандық таңдаудағы жауапкершілігін арттырып, армандарын нақты жоспарға айналдыруға мүмкіндік береді. Мектеп ұжымы бұл жобаны дәстүрлі түрде жалғастыруды жоспарлап отыр.